Uttanlands

– Coronakreppan er skjótt yvirstaðin

Talið á nýggjum tilburðum uttanfyri Hubei er minkað seinastu dagarnar, sigur kinesiski varauttanríkismálaráðharrin

(Savnsmynd)

(Savnsmynd)

2020-02-15 14:12 Author image
Alda Nielsdóttir
placeholder

Talið á nýggjum tilburðum av coronavirus uttanfyri Hubei er minkað seinastu 12 dagarnar, sigur kinesiski varauttanríkismálaráðharrin, Qin Gang. Tí er hann sannførdur um, at kreppan í Kina er um at verða yvirstaðin.

– 8.000 sjúklingar hava fingið tað betur og eru útskrivaðir. Í Kina eru vit sannførd um, at corona-farsóttin skjótt er yvirstaðin, og at kreppan bert fer at hava eina fyribils ávirkan á búskap okkara. Hann kemur skjótt sterkt aftur, sigur Qin Gang.

Kinesiska heilsumálaráðið upplýsti í morgun, at 43 fólk afturat eru deyð av coronavirusinum seinasta samdøgrið á kinesiska fastlandinum. Coronavirusið hevur sostatt kravt tilsamans 1.523 mannalív í økinum. 1.457 teirra eru úr Hubei, har coronavirusið hevur sín uppruna.

Um alt Kina eru tilsamans 66.492 tilburðir skrásettir.

Les eisini: Coronavirusið kravt sítt fyrsta mannalív í Evropa

placeholder
placeholder