– Danmark óbeinleiðis góðkent virksemið hjá grindaaktivistum í Føroyum

Grindamannafelagið sigur seg stúra fyri framtíðini, nú avgerð varð tikin um at leyslata Paul Watson heldur enn at útflýggja hann til Japan.

– Við hesum avgerðunum hevur Danmark óbeinleiðis góðkent tað virksemi, sum aktivistar føra í Føroyum. Hetta kann føra til keðiligar avleiðingar í framtíðini, og vit mugu ikki koma hartil, at øll ikki eru líka fyri lógini, sigur Grindamannafelagið í skrivi.

Sí eisini: Her verður Paul Watson leyslatin

– Watson og hansara felagsskapur er væl kendur í Føroyum. Fyrstu ferð tey vóru her var í 1986, og vit minnast hvussu hann valdi at bróta landsins lógir, og síðani rýma úr landinum, uttan at tað fekk rættarligar avleiðingar fyri nakran.

– Árini ganga og vit mugu staðfesta, at felagsskapurin hjá Watson enn er virkin her á landi, og framvegis verða landsins lógir ikki hildnar. Tað sóu vit m.a. fleiri ferðir farna summar, tá grindir blivu hildnar til, sigur felagið.

Les meira her.