- Eg havi tað gott

Amerikanski forsetin Donald Trump og kona hansara, Melania Trump, fekk tíðliga í morgun staðfest covid-19, og fyri at vera á tryggu síðuni, varð hann í kvøld flogin á sjúkrahús við tyrlu.

- Eg fari á Walter Reed-sjúkrahúsið. Eg haldi, at eg havi tað rættiliga gott, men vit skulu syrgja fyri, at alt gongur sum tað skal, segði hann í einari heilsan á Twitter fyrr í kvøld, og legði afturat, at Melania eisini hevur tað gott.

pic.twitter.com/B4H105KVSs

— Donald J. Trump (@realDonaldTrump) October 2, 2020

Donald Trump er 74 ára gamal, men hevur mild sjúkueyðkenni av covid-19.

Í heilsanini á Twitter takkar forsetin eisini fyri stóra stuðulin, hann hevur fingið síðani hann varð testaður positivur.