– Eitt kopppingarevni kundi verið klárt um ársskiftið

Eitt koppingarevni móti korona kann møguliga vera klárt um ársskiftið, sigur aðalstjórin hjá Heimsheilsustovninum, WHO.

– Okkum tørvar eitt koppingarevni, og har er vón um, at vit fara at hava eitt koppingarevni um ársskiftið, sigur aðalstjórin, Tedros Adhanom Ghebreyesus í dag sambært tíðindastovuni Reuters.

COVAX átakið hjá WHO arbeiðir í løtuni við níggju sløgum av koppingarevni. Ætlanin er at kunna hava nóg mikið til at koppseta tvær mia. fólk í endanum av 2021.