Alda Nielsdóttir
Ferðafólkaflogfarið hjá Azerbaijan Airlines, sum datt niður í Kasakstan mikudagin, varð rakt av skotum frá jørðini.
Tað sigur Ilham Ailyev, forseti í Aserbadjan.
Umleið 70 fólk vóru umborð á flogfarinum, sum datt niður nærindis býnum Aktau. Í minsta lagi 38 lótu lív.
Flogfarið var ávegis til Grosnyj í Kekenia úr Baku, høvuðsstaðnum í Aserbadjan.
Flogfarið var í russiskum loftrúmi, tá tað datt niður, og tí hevur russiski forsetin, Vladimir Putin biðið Ailyev um umbering.
Les eisini: Putin biðið um umbering fyri flogvanlukku
Sambært russisku stjórnini royndi flogfarið at lenda í Grosnyj, meðan býurin var undir álopi av ukrainskum dronum. Sambært fleiri miðlum var tað russiska loftverjan, sum skeyt flogfarið niður, men hetta er ikki váttað, skrivar Ritzau.
Vinarliga broyt tínar kennifíla - og privatlívsstillingar fyri at síggja hetta innihald