- Gott at hetta bert er einaferð um árið

Fyrr var tað við Hoydalar, og nú er tað í Marknagili, har nógv morgunferðsla eisini er.

Næmingar á miðnámsskúlanum á Glasi hildu sær á gaman týsnáttina og í gjáramorgunin, og sum vanligt varð sonevndi skulkidagurin hátíðarhildin við at órógvað morgunferðsluna í høvuðsstaðnum.

Hetta eydnaðist væl hjá ungu fólkunum. Vaktleiðarin á løgreglustøðini í Havn sigur, at avleiðingarnar fyri ferðsluna vóru stórar.

- Tað var bíðirøð oman í miðbýin leingi, staðfestir løgreglan.

Ferðslumøguleikarnir hjá helst frustreraðum bilførarum vórðu framvegis ikki teir somu um hálvgum níggju tíðina í gjár.

- Tað er gott, at hetta bert er einaferð um árið, helt vaktleiðarin fyri í morgun.