– Hetta er sera óheppið

Stutt fyri klokkan 23 í gjárkvøldið ringdu fleiri til løgregluna at boða frá, at tey høvdu sæð eina neyðrakett vesturi á Eiðinum í Vági.

MRCC fekk boðini, og Brimil og tyrlan vórðu send at leita, men mann hevur ikki sæð nakað, sum bendir á, at nakar bátur hevur verið í neyð, og heldur eingin bátur er saknaður, so tað er helst onkur, sum hevur skotið eina neyðrakett av landi, sigur vaktleiðarin á løgreglustøðini í Havn.

Vaktleiðarin leggur afturat, at tað er sera óheppið, um fólk skjóta neyðrakettir til stuttleikar, tí tá ein neyðrakett verður sædd, verður leitingararbeiði sett í verk.