– Hetta fer at fáa álvarsligar avleiðingar

Lond sum Kuba, Norðurkorea, Iran og Sýria eru á listanum hjá USA yvir lond, sum stuðla yvirgangi, og spurningurin um, hvørt Russland skal setast á listan eisini, verður nú umrøddur í amerikonsku Kongressini.

Koyrir USA Russland á listan, fer USA yvirum mark, sigur Alexander Darchiev, stjóri fyri amerikonsku deildina hjá russiska uttanríkismálaráðnum.

Hetta fer at hava álvarsligar avleiðingar, sigur hann sambært russisku tíðindastovuni Tass.

Hann sigur, at tað fer at skaða diplomatiska sambandið millum londini, og tænir tað hvørki USA ella Russland. Verður Russland koyrt á listan, er eisini sannlíkt, at diplomatiska sambandið millum londini verður slitið, sigur hann.