Alda Nielsdóttir
Um vanliga flúgvingin í Stórabretlandi ikki verður tikin uppaftur skjótt, kann tað koma at kosta fleiri hundrað túsund ella møguliga fleiri milliónir størv. Tað sigur John Holland-Kaye, stjóri á Heathrow floghavnini í London.
Frá í dag av verður kravt at øll, sum koma til Stórabretlands skulu fara í sóttarhald í 14 dagar, og hetta fer at fáa álvasamar avleiðingar fyri lokalu ferðavinnuna umframt útflutninginum, siga stóru flogfeløgini.
– Vit kunnu ikki halda fram á hendan hátt sum tjóð. Vit noyðast at leggja eina ætlan fyri upplatingini av okkara mørkum. Um vit ikki, á tryggan hátt, fáa gongd á flogvinnuna aftur skjótt, fer tað at kosta fleiri hundrað túsund, um ikki fleiri milliónir, størv í Stórabretlandi, sigur John Holland-Kaye sambært Reuters.
Vinarliga broyt tínar kennifíla - og privatlívsstillingar fyri at síggja hetta innihald