– Hetta váttar fíggindaliga hugburðin hjá vesturheiminum

Lond, sum lata Ukraina flogfør og tyrlur leggja seg alsamt meira uppí stríðið millum Russland og Ukraina, sum byrjaði í februar 2022.

Tað sigur Marija Zakharova, talsfólk hjá russiska uttanríkismálaráðnum.

– Kekkiski herurin ætlar at senda russiskt-framleiddar Mi-24B-tyrlur til Kyiv, eftir at amerikanskar tyrlur eru móttiknar. Í farnu viku, eftir biddaraferðina hjá Zelenskyj (forsetanum í Ukraina, red.) til evropeisk lond, harímillum Holland, Danmark, Noreg og Svøríki, bórust tíðindini um, at londini fóru at lata Kyiv F16-flogfør.

– Øll hesi stigini vátta fíggindaliga hugburðin hjá vestanlondunum mótvegis Russlandi og teirra vaksandi uppílegging í stríðið kring Ukraina, sigur hon sambært Ritzau.

Hon leggur afturat, at endamálið hjá Russlandi er framvegis at "avvápna og avnasifisera" Ukraina og taka burtur hóttanir móti trygdini hjá Russlandi.