– Hevur sum heild verið friðarligt

 Hetta vikuskiftið hevur Bátastevna verið í Vestmanna, og hóast nógv fólk, hevur tað sum heild gingið rættiliga friðarliga fyri seg, upplýsir løgreglan.

– Har hava verið nógv full fólk, sum vit hava hjálpt, og eisini hava verið onkrar illstøður, har vit hava lagt okkum uppí, sigur vaktleiðarin á løgreglustøðini í Havn.

Eisini kannar løgreglan eitt harðskapsmál frá stevnuni. Tveir persónar vóru í hornatøkum, og tann eini persónurin varð handtikin. Eisini varð ein persónur skuldsettur fyri brot á skilhaldsreglurnar, og varð hann tikin við á løgreglustøðina at sova rúsin av sær.

Vaktleiðarin leggur afturat, at samarittarnir og bjargingarfeløgini á staðnum hava gjørt eitt stórt arbeiði við at taka sær av fólki, sum eru komin illa fyri, og tað skulu tey hava stórt rós fyri.

Sí eisini: Myndir: Bátastevna í Vestmanna