– Lítil sannlíkindi fyri at sjúkan kemur til Føroya

– Serfrøðin metir framvegis at lítil sannlíkindini eru fyri, at sjúkan kemur til Føroya. Men neyðugt er at fylgja væl við og vit í Sjúkrahúsverkinum eru klár um ein tilburður av coronavirus kemur hendaveg, verður sagt í tíðindaskrivi.

Heilsustýrið hevur gjørt neyvar leiðreglur, sum Sjúkrahúsverkið fylgir, og í Sjúkrahúsverkinum eru neyðugar fyrireikingar gjørdar og kunnað er innanhýsis um, hvussu starvsfólkini skulu handfara møguligar støður við coronavirus hjá sjúklingi.

Boðað verður frá, at isolatiónsstova er gjørd klár, útgerð er fingin til vega, og viðurskiftini kring flutning av sjúklingum við coronavirus eru skipaði.

Boðini frá Landslæknanum eru fyribils, at føroysku sjúklingarnir skulu flytast til annaðhvørt Hvidovre ella Skejby sjúkrahús til viðgerðar, sum hava serligar deildir fyri smittandi sjúkur.

Les eisini: Fleiri enn 17.000 tilburðir nú skrásettir