– Ongar ætlanir um at leypa á Nato-lond

– Í dag er tað frælsið hjá Ukraina, sum er uppá spæl. Men fáa vit ikki steðgað Putin, verður frælsið hjá øllum í vanda.

Soleiðis segði amerikanski forsetin, Joe Biden á tíðindafundi týsdagin í sambandi við vitjan hjá ukrainska forsetanum, Volodymyr Zelenskyj. Men hetta er møsn, sigur russiski forsetin, Vladimir Putin.

– Tað er ein retorikkur, sum skal rættvísgera ein miseydnaðan politikk mótvegis Russlandi, sigur russiski forsetin sambært Ritzau.

Putin sigur, at vinnur Russland í Ukraina, ætlar landið sær ikki í kríggj við Nato-lond.

– Russland hevur ongan geopolitiskan áhuga - hvørki búskaparligan, politiskan ella hernaðarligan - í at stríðast móti Nato-londum.