– Sum sild í tunnu

Nú skeinkistøðini aftur sleppa at hava opið sum vanligt, hevur aftur nógv lív verið í býnum í Havn í nátt.

Náttarlívið hetta vikuskiftið hevur verið sum tað var áðrenn korona, við nógvum fólkum í býnum og fullum skeinkistøðum, sum hava opið til klokkan fýra.

Løgreglan hevur verið runt og vitjað skeinkistøðini, og greitt varð, at tilmælini um frástøðu als ikki verða hildin í náttarlívinum. Fólk stóðu sum sild í tunnu, verður upplýst av politistøðini.

Men talan er bert um tilmæli, og løgreglan fær tí einki gjørt við hetta. Hóast nógv fólk vóru í býnum, var náttin stak friðarlig, leggur vakthavandi á politistøðini afturat.