Ingi Samuelsen
- Latið for Guðs skyld vera við at trýsta á leinkið.
Soleiðis ljóða boðini frá vaktleiðaranum á løgreglustøðini í sambandi við at løgreglan aftur hevur fingið fráboðanir, um at roynt verður at snýta fólk við sms- og telduboðum.
Talan er um fráboðanir um, at onkur pakki liggur og bíðar, og fyri at fáa meira at vita hvussu farast skal fram, skal móttakarin trýsta á eitt leinki. Verða hesi boð gingin á møti, hava fólk við ilt í hyggju fingið atgongd til persónligar upplýsingar hjá tær, og vandi er fyri, at tú kann snýtast fyri nógvar pengar.
- So latið vera við at trýsta á leinkið!
Løgreglan fekk í gjár boð um minst tríggjar slíkar fráboðanir, sum vóru komnar. Ein var umvegis teldupost og tvær við sms-boðum, hesaferð frá útlendskum telefonnumrum.
Vinarliga broyt tínar kennifíla - og privatlívsstillingar fyri at síggja hetta innihald