– Ukrainsku landslutirnir verða innlimaðir í morgin

Russiski forsetin, Vladimir Putin er til reiðar at innlima fýra ukrainskar landslutir í Russland.

Sambært Dmitrij Peskov, talsfólki hjá russisku stjórnini, verður hetta gjørt á hátíðarhaldi í morgin, har Putin eisini fer at halda røðu fyri russiska tjóðartinginum og fer at hitta leiðarar í teimum fýra økjunum, sum ætlanin er at innlima í Russland, skrivar DR.

Talan er um landslutirnir Luhansk, Donetsk, Zaporizjzja og Kherson, sum í høvuðsheitum eru á russiskum hondum.

Sambært russum varð tað eitt greitt "ja", tá fólkaatkvøða var í hesum fýra landslutunum, men Ukraina og Vesturheimurin viðurkenna ikki hetta.