- USA skal endurvinna álit okkara

Tað var eyðsæð, at partarnir eru ógvuliga væl nøgdir við nýggju avtaluna, sum varð undirskrivað í New York fyrr í dag. Men tulka Donald Trump og amerikanarar avtaluna á sama hátt sum londini í ríkisfelagskapinum? 

Jens-Frederik Nielsen vissaði danskar og grønlendskar miðlar um, at allir smálútir og allar orðingar í sáttmálanum eru vendar fleiri ferðir, og at USA hevur víst veruligan vilja at flyta seg.

Til ber at lesa alla avtaluna her

Á tíðindafundinum hjá grønlendska landsstýrisformanninum og danska forsætisráðharranum á einum taki í "The Big Apple" varð avtalan skýrd at vera søgulig. Ein lætti tykiskt at vera hjá leiðarunum í londunum, sum serliga síðani fyrst í 2025 hava kent seg kroyst av USA við Donald Trump á odda.

Mynd: Brendan Smialowski/Reuters/Ritzau Scanpix

Jens-Frederik Nielsen viðgekk eisini, at tað "fer at taka tíð hjá USA at endurvinna álitið" hjá grønlendingum. Tó mælti hann til at hyggja frameftir

- Hetta er win-win-win og veruliga ein fantastisk avtala fyri Grønland, staðfesti maðurin sum tók við á vári í 2025.

Grønland og Danmark hava so mikið nógv á USA, sum verður skýrdur "ein vinur", at USA við avtaluni fær stórar herðnaligar ræsir í Grønlandi - eisini um Grønland skuldi verið sjálvstøðugt.

Les eisini: Latið er upp fyri størri trygd - men eisini møguleikarnum fyri størri grønlendskum sjálvsræði