- Vit taka fegin við uppgávuni

Í felags áheitan í dag gera Føroya Pedagogfelag og Føroya Lærarafelag greitt, at tey halda, at tað er rætt, at Føroyar eiga at taka ímóti flóttafólkunum úr Ukraina.

Í hesum sambandi kemur áheitan frá feløgunum um, at tey verða tikin uppá ráð, tí námsfrøðingar, hjálparfólk og lærarar taka sær dagliga av børnum og ungum

- Tí eru vit ein sjálvsagdur partur í arbeiðinum at fyrireika, hvussu vit taka ímóti flóttafólkunum á dagstovnum og í skúlunum. Vit taka fegin við hesi uppgávu.

Hetta er fulla skrivið: 

Føroya Pedagogfelag og Føroya Lærarafelag halda, at Føroyar eiga at taka ímóti flóttafólkunum úr Ukraina.

Námsfrøðingar, hjálparfólk og lærarar taka sær dagliga av børnum og ungum, tí eru vit ein sjálvsagdur partur í arbeiðinum at fyrireika, hvussu vit taka ímóti flóttafólkunum á dagstovnum og í skúlunum. Vit taka fegin við hesi uppgávu.

Okkara áheitan er tí, at vit verða tikin við uppá ráð.