Alda Nielsdóttir
Mikudagin 26. mai klokkan 10 verður tann árligi 1-1-2 dagurin hildin fyri elstu barnagarðsbørnunum og forskúlabørnunum í Tórshavnar Kommunu.
Nógv verður at hoyra og síggja hjá børnunum, so sum smáir og stórir útrykkningsbilar, politihundar og tónleikur, skrivar heimasíðan hjá kommununi.
Tiltakið verður á parkeringsøkinum við Badmintonhøllina í Gundadali, og eru tað Sjúkraflutningstænastan, Ráðið fyri Ferðslutrygd, Tórshavnar Sløkkilið, Tórshavnar Kommuna, SSP Ráðgevingin og Politiið, sum skipa fyri 1-1-2 degnum.
Endamálið við 1-1-2 degnum er, at øll barnagarðs- og forskúlabørnini, sum fara í 1. flokk í summar, fáa ein stuttligan og læruríkan dag um ferðslu, eldsbruna, bjarging og um at ringja 1-1-2. Tiltakið er liður í fyribyrgjandi arbeiðinum, sum øll hesi yrkisfólk eisini taka sær av, skrivar Tórshavnar kommuna.
300 børn og vaksin verða við til 1-1-2 dagin.
Vinarliga broyt tínar kennifíla - og privatlívsstillingar fyri at síggja hetta innihald