Innanlands

1 ár og 8 mánaða fongsulsrevsing fyri neyðtøku

Ein 25 ára gamal maður bleiv í Føroya Rætti í gjár dømdur 1 ár og 8 mánaða treytaleysa fongsulsrevsing fyri at hava neyðtikið tvær gentur

(Savnsmynd)

(Savnsmynd)

2022-12-07 09:47 Author image
Tíðindaskriv
placeholder

Maðurin var ákærdur fyri at hava skaffað sær samlegu við genturnar við at nýta harðskap.

Neyðtøkurnar vóru framdar í 2018 og 2019. Í báðum førum vóru neyðtøkurnar meldaðar til politiið, tá ið ein tíð var fráliðin, síðan brotið var framt.

Ákæra varð reist eftir neyðtøkuásetingini, sum var galdandi, tá brotini fóru framd. Revsingin er av tí sama ásett eftir áður galdandi neyðtøkuáseting og ikki sambært nýggju neyðtøkuásetingini um samtykki, sum kom í gildi 1. juni í ár, og sum m.a. herðir revsingina fyri neyðtøku.

Maðurin kærdi dómin.

Føroya Politi

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder