1. maidagshald á Reyða Torginum

Altjóða verkafólkadagurin 1. mai verður hildin á Reyða Torginum í Vestmanna mikudagin kl. 16. Hetta er tíggjunda ferðin 1. mai verður hildin í Vestmanna, síðan byrjað varð í 2014. Tað ringasta korona-árið fór burturímillum.

Røðarar hesaferð verða Beinta Klakstein, nevndarlimur í Føroya Pedagogfelag, Uni Arge, rithøvundur og Uni holm Johannesen, løgtingsmaður.

Vestmanna Hornorkestur spælir. Eftir fundin á Reyða Torginum bjóðar Vestmanna Arbeiðarafelag ein drekkamunn og hugnaprát í felagshølunum beint við.

Tað eru Vestmanna Arbeiðarafelag, Norðstreymoyar Tjóðveldisfelag og Norðstreymoyar Javnaðarfelag, sum skipa fyri.