10 mannafar sendi Mayday

Klokkan fimm seinnapartin í gjár sendi eitt 10-mannafar Mayday, og Tórshavnradio sendi Mayday Relay.

Jn.fo skrivar, at talan var um eitt 10-mannafar, sum fekk sjógv innan fyri boðan við Porkerisnes.

Fleiri skip og bátar, sum vóru nærindis 10-mannafarinum bjóðaðu seg til at hjálpa, men maðurin, sum var umborð á bátinum, kláraði at pumpa sjógvin úr bátinum og at sigla heim aftur sjálvur.