100 milliónir koppsetingar gjørdar í USA

Í USA hava tey nú gjørt fleiri enn 100 mió. koppsetingar.

Sambært hagtølum hjá amerikanska CDC frá fríggjadegnum eru 35 mió. amerikanarar liðugt koppsettir, ið svarar til uml. tíggjunda hvønn íbúgva í USA.

Áðrenn Joe Biden tók við sum forseti í januar, segði hann, at ætlan hansara var at brúka 100 mió. skamtar í sínum fyrstu 100 døgum sum forseti.

Í dag hevur Joe Biden verið forseti í 52 dagar, og sostatt kann sigast, at hendan ætlanin eydnaðist.

Fyri tveimum vikum síðani vórðu bert 50 mió. koppsetingar gjørdar í USA, og seinastu tvær vikurnar hevur USA brúkt uml. tveir mió. skamtar um dagin, skrivar Ritzau.