2019-05-25 15:18
Alda Nielsdóttir
Alda Nielsdóttir
Ein 102 ára gomul kvinna í Fraklandi er undir illgruna fyri at hava dripið eina 92 ár gamla kvinnu.
Kvinnurnar búðu á sama røktarheimi í býnum Chézy-sur-Marne í Norðurfraklandi.
102 ára gamla kvinnan hevði, sambært BBC sagt fyri einum starvsfólki á røktarheiminum, at hon hevði dripið onkran.
92 ára gamla kvinnan varð funnin deyð í sínari song stutt eftir midnátt seinasta leygardag. Kvinnan var hovin í andlitinum, og kanningar vístu, at hon varð kvald og sligin í høvdið.
102 ára gamla kvinnan, ið er undir illgruna, er flutt á sálarsjúkrahús, har hon verður kannað.
Vinarliga broyt tínar kennifíla - og privatlívsstillingar fyri at síggja hetta innihald