1039 hava nú fingið tvey prik

Í gjár vórðu tilsamans 381 fólk koppsett á teimum trimum sjúkrahúsunum. Talan var í stóran mun um heilsustarvsfólk, men eisini vórðu nakrir sjúklingar í serligum vandabólkum koppsettir.

Hetta skrivar corona.fo.

Í alt eru nú 5.165 koronukoppsetingar gjørdar í Føroyum. 4126 hava bert fingið fyrra prikið, og nú hava yvir 1.000 - 1.039 - fingið tvey prik og eru harvið liðugt koppsett. Tað eru tvey prosent av íbúgvunum í Føroyum. 

Beint undir átta prosent av íbúgvunum í Føroyum hava fingið í minsta lagið fyrra prikið.