11 fráboðanir um stormskaðar í gjár

Illveðrið hevur ikki elvt til stóran skaða seinasta samdøgrið, men løgreglan fingið onkrar fráboðanir um ymiskt, sum er farið í vindinum, ella hevur verið nær við, sigur vaktleiðarin á løgreglustøðini í Havn.

Løgreglan fekk 11 fráboðanir í gjár millum klokkan 8.50 og 18.48. Fráboðanirnar snúðu seg m.a. um takplátur og húsaklædning, ein platt, eina altanhurð, og ein vegg.

Fráboðanirnar komu úr øllum landinum, m.a. úr Eysturoynni, Nólsoynni, og Suðuroynni.