12.750 kanningar eru nú gjørdar

Talið á føroyingum, ið eru staðfestir smittaðir við korona í løtuni, er framvegis nul.

12.750 kanningar eru nú gjørdar, og tær seinastu 6.353 hava verið negativar, upplýsir Heilsumálaráðið.

Seinastu tilburðirnir í Føroyum vórðu staðfestir 22. apríl, og 8. mai varð boðað frá, at tann seinasti av teimum tilsamans 187 føroyingunum, sum høvdu fingið staðfest smittuna, var blivin frískur.