13 børn álopin við knívi í Japan í morgun

Í minsta lagi 18 persónar, harav 13 børn, vórðu í morgun álopini í japanska býnum Kawasaki. Ein skúlagenta og álopsmaðurin eru deyð.

Álopsmaðurin hevði ein knív í hvørjari hond, tá hann leyp á við eitt busssteðgipláss í morgun lokala tíð. Sambært einum bussførara vóru tað serliga børnini, sum álopsmaðurin royndi at leypa á.

Ein talsmaður fyri einum sjúkrahúsi í býnum sigur, at har eru fimm fólk til viðgerðar eftir álopið og at støðan hjá fýra teirra er lívshættislig.

Álopsmaðurin stakk seg sjálvan í økslina og í nakkan áðrenn hann varð afturhildin.