25 persónar latið lív í ukrainskum rakettálopi

Eitt ukrainskt rakettálop í Donetsk-landslutinum hevur kravt í minsta lagi 25 mannalív, siga russist útnevndir myndugleikar í økinum í dag.

Lopið var á eitt handilsøki í høvuðsbýnum í landslutinum, ið eisini verður nevndur Donetsk.

Sambært tíðindastovuni Reuters hevur ukrainski herurin ikki viðmerkt álopið.

Donetsk er ein av fýra ukrainskum landslutum, sum er hersett av Russlandi, og sum sambært russisku stjórnini í fjør gjørdist partur av Russlandi. Tey flestu londini í heiminum hava tó ikki viðurkent økið sum partur av Russlandi.

Fyrrapartin varð upplýst, at 13 persónar høvdu latið lív í álopinum, men talið er nú broytt til 25.

Dagførd kl. 14.28