Tíðindaskriv
Frá mai til september vera gott 140 konsertir, tá Summartónar fara at ljóða um alt Føroyar. Summartónar skráin er sum ikki einaferð umfatandi, og bjóðar eitt breitt úrval av upprunatónleiki úr mongum tónleikagreinum.
Gott 65 bólkar og einstaklingar, sangskrivarar og tónaskøld, sum telja yvir 100 framførandi, fara at spæla ígjøgnum alt summarið í 30 bygdum kring landið – heilt norður til Fugloyar, vestur til Mykinesar og suður til Vágs.
Eitt breitt úrval av tónleiki úr mongum stílum verður borðreiddur á festivalinum – alt frá rokki til jazz, blues, klassiskt, kórsang, folk, folk-pop, elektroniskt og eksperimenterandi. Tað mesta er upprunatónleikur, sum verður framførdur av einum stórum hópi av bestu og virknastu tónleikarunum í landinum – umframt fleiri gestum úr øðrum londum.
Tað er Felagið Føroysk Tónaskøld, sum hevur skipað fyri Summartónum síðani 1992.
Meira kunning á summartonar.fo
Vinarliga broyt tínar kennifíla - og privatlívsstillingar fyri at síggja hetta innihald