15 hálkuóhapp um vikuskiftið

Seinastu dagarnar hevur veirð óvanliga hált, og í hesum sambandi hevur løgreglan skrásett eini 15 ferðsluóhapp.

Í flestu førum hevur tað tó ikki verið nakað álvarsligt, og eingin fólkaskaði hevur verið, tó at onkur er sendur á Landssjúkrahúsið til kanningar, sigur vaktleiðarin á løgreglustøðini í Havn.

Í einum føri rendu tveir bilar saman - hetta var leygarnáttina í Kaldbaksbotni - annars hevur talan bara verið um bilførarar, sum hava mist tamarhaldið og eru farnir á glið í hálkuni.

Lagt verður afturat, at eingin av bilunum koyrdi við summardekkum, so tað hevur ikki verið tað, sum var orsøkin.

 Koyrilíkindini hjá Landsverki síggjast her.