Seinasta samdøgrið vórðu 16 nýggir smittutilburðir staðfestir, vísa nýggjastu tølini hjá Landslæknanum. Sostatt eru 23 persónar smittaðir í løtuni.
Øll eru, eftir øllum at døma, partur av kendari smittuketu, og talan er um bretska fyribrigdið B.1.1.7., skrivar corona.fo.
619 kanningar vórðu gjørdar seinasta samdøgrið, og allar kanningarnar eru liðugt greinaðar. 16 nýggir tilburðir í 619 kanningum gevur eitt positivprosent, sum svarar til 2,6.
Tilsamans eru nú gjørdar 264.101 kanningar í Føroyum.
692 persónar hava nú fingið staðfest smittuna í Føroyum. 668 persónar eru staðfestir frískir aftur. Higartil er ein persónur deyður við koronu í Føroyum.
Í løtuni eru 45 fólk í sóttarhaldi.
Vinarliga broyt tínar kennifíla - og privatlívsstillingar fyri at síggja hetta innihald