17 metrostøðir lótu upp í Keypmannahavn seinnapartin

Seinastu átta árini hevur stórt virksemi verið undir danska høvuðsstaðnum. Sonevndi Cityringen við 17 nýggjum metrostøðum lat upp seinnapartin.

Longdin á nýggju Metro-tunlunum í Keypmannahavn er 15,5 kilometrar, og bindir eitt nú saman Østerbro, Nørrebro, Vesterbro og Frederiksberg.

Fyrsta metroleiðin í Keypmannahavn varð tikin í nýtslu í 2002, og er síðani útbygt. Frá í dag eru í alt 37 metrostøðir. Felagið handan metro sigur, at hetta helst er størsta bygningsarbeiði í Keypmannahavn í 400 ár.

Metrofelagið hevur tikið hesar myndirnar av nøkrum av nýggju støðunum, sum víkja eitt sindur frá teimum eldru støðunum.