19 doyðu í eldsbruna í New York

19 fólk, herav níggju børn, hava latið lív í einum eldsbruna í einum háhúsum í New York býarpartinum Bronx, upplýsir borgarstjórin í New York, Eric Adams.

Sambært borgarstjóranum hava yvir 63 fólk fingið skaða í eldsbrunanum. Ovastin fyri sløkkiliðið í New York, FCNY, segði við CNN í gjár, at 32 fólk vóru innløgd á sjúkrahús við lívshóttandi skaðum.

Umleið 200 sløkkiliðsfólk vóru við í sløkkiarbeiðinum á East 181st Street í Bronx. Bygningurin er í 19 hæddum. Eldsbrunin byrjaði um 11 tíðina í gjár, lokala tíð, í eini íbúð á 2. og 3. hædd í bygninginum. 

(Mynd: EPA)