19 umsóknir til stjórastarvið í Føroya Tele

19 umsóknir komu til starvið sum samtaksstjóri í Føroya Tele. Tað eru bæði kvinnur og menn, sum hava søkt starvið, sigur Føroya Tele.

Umsóknarfreistin var á midnátt, og setanarbólkurin hevur havt fyrsta fundin. Samtaksstjórin verður settur skjótast til ber, og William Joensen, fíggjarstjóri, sum var settur sum fyribils stjóri, røkir starvið, inntil nýggjur samtaksstjóri tekur við.

Jan Ziskasen hevur annars verið stjóri í Føroya Tele seinastu átta árini, men varð í september koyrdur til hús.