20.000 bilar færri gjøgnum Norðskálatunnilin um vikuna

Tað koyra næstan 20.000 bilar færri bilar gjøgnum Norðskálatunnilin um vikuna nú, enn tað gjørdi áðrenn Eysturoyartunnilin lat upp.

Tað vísa ferðsluteljingarnar, sum Landsverk hevur gjørt.

Landsverk telur alla tíðina ferðsluna á ávísum støðum á føroyska vegakervinu, og nú ein nýggj slóðbrótandi farleið er komin millum Eysturoynna og høvuðsstaðarøkið, er tað áhugavert at hyggja eftir tølunum fyri bilar, ið koyra gjøgnum Norðskálatunnilin.

Ferðsluteljingarnar hjá Landsverki vísa, at tvær tær fyrstu vikurnar í desember koyrdu millum 33.600 og 35.800 bilar gjøgnum tunnilin um vikuna, svarandi til 4.800-5.100 í miðal um dagin.

Seinastu fýra vikurnar, tað vil siga frá 11. januar (dagin eftir at gjaldsskipanin varð sett í gildi) til 7. februar, lá talið millum 15.300 og 17.900 bilar um vikuna, svarandi til millum 2.200 og 2.500 bilar um samdøgrið.

Sostatt koyra tað nú í miðal rund roknað 2.500 færri bilar gjøgnum Norðskálatunnilin nú enn tað gjørdu undan jólum.

Les alla greinina ókeypis í Blaðnum Vikuskifti her