239.705 krónur til børnini

Ein rimmar gallaveitsla hevur verið á Hotel Føroyum í kvøld, 17. februar, og fyri lítlari løtu síðani var samanteljingin liðug - samlað komu 239.705 inn.

Tað sklrivar Team Rynkeby Føroyar í tíðindaskrivi.

- Takk Hotel Føroyar fyri vøkru hølini, røsku samskipararnar, kokkarnar, tænastufólkini og uppvaskararnar. Takk tit, sum hava latið fyrstafloks mat og drykkivørur. Takk tit, sum ríka okkum kvøldið við tónleiki og sangi. Takk tit, sum hava givið okkum innlit í lívið hjá teimum familjum, sum alt snýr seg um. Takk tit, sum gjørdu kvøldið tøkniliga møguligt, og síðst men ikki minst - túsund takk tit, sum keyptu atgongumerki og hava sett hetta kvøldið av til Rynkeby - uttan tykkum, eingin kekkur.

Team Rynkeby Føroyar skrivar, at hvør innkomin króna fer til at hjálpa føroyskum børnum, sum verða rakt av lívshættisligum sjúkum, familjum teirra og til gransking í hesum sjúkum í Føroyum.

(Mynd: Team Rynkeby Føroyar)