24 ára gamal varðhaldsfongslaður í tvær vikur

24 ára gamli maðurin, sum seinnapartin í gjár varð handtikin og skuldsettur fyri brot á narkotikalógina, varð í morgun framstillaður í grundlógarforhoyr í Føroya Rætti.

Les eisini: Handtikin fyri brot á narkotika lógina

Maðurin játtaði seg partvíst sekan, og er hann nú varðhaldsfongslaður í tvær vikur. Maðurin kærdi ikki avgerðina.

Grundað á víðari kanningararbeiði, eru ikki fleiri upplýsingar um málið, sigur løgreglan í fráboðan.