27.664 løntakarar í januar

Í januar var talið á løntakarum 27.664. Tað er stívliga 350 fleiri í mun til januar í fjør, og svarar hetta til ein vøkstur á 1,3 prosent.

Til samanberingar vóru fleiri enn 28.500 løntakarar í desember. Sambært Hagstovuni er januar vanliga tann mánaðurin í árinum, ið hevur fæstar løntakarar, meðan desembermánaður vanliga hevur flestar. Munurin í løntakaratalinum hesar báðar mánaðirnar er tí sum oftast stórur.

14.000 menn og 13.600 kvinnur vóru í løntakaraskaranum í januar. Hetta er ein vøkstur á ávikavist 1,6 prosent hjá monnum og 0,9 prosent hjá kvinnum í mun til januar í fjør.