28 føroyingar fylla í dag

Í ár er leypár, ella skotár, sum tað eisini verður nevnt, har árið fær ein dag eyka - 29. februar.

Hesin dagurin, sum vit bert uppliva fjórða hvørt ár, er ein serligur dagur at verða føddur, og sambært altjóða miðlum eru eini fimm milliónir fólk kring heimin, ið hava føðingardag í dag.

Í Føroyum eru 28 fólk, sum fylla í dag - 17 kvinnur og 11 menn.

Flestu teirra - seks fólk - eru fødd í 1996 og fylla 28 ár í dag, skrivar Hagstovan.