280.000 meldað seg í russiska herin í ár

Í desember í fjør boðaði Russland frá æltanini um at økja talið á herfólkum í russiska herinum upp til 1,5 milliónir, og higartil í ár hava uml. 280.000 fólk meldað seg inn í russiska herin.

Tað sigur fyrrverandi russiski forsetin og núverandi varaformaðurin fyri russiska trygdarráðið, Dmitrij Medvedev sambært Reuters.

– Sambært verjumálaráðnum hava uml. 280.000 persónar skrivað sáttmála við herin síðan 1. januar.

Millum tey 280.000 eru eisini fólk úr tiltaksherinum, men hvussu nógv talan er um, verður ikki upplýst.