29.400 starvsfólk í august

Í august vóru 29.402 starvsfólk í Føroyum, sum eru 280 fleiri samanborið við sama mánað árið fyri.

Talan er sostatt um ein vøkstur á eitt prosent, skrivar Hagstovan.

Í starvsfólkaskaranum vóru knapt 15.000 menn og 14.450 kvinnur.

 Samanborið við august í fjør eru kvinnurnar vorðnar 180 fleiri, sum er ein vøkstur á 1,2 prosent. Hjá monnum er vøksturin 0,7 prosent, ella 100 starvsfólk.

Um tveir triðingar av starvsfólkunum búgva antin í Suðurstreymoyar- ella Eysturoyar øki, skrivar Hagstovan.