30 námsfrøðingar útbúnir aftrat

Tey eru 30 í tali, sum nú komu um málstrikuna á námsfrøðiútbúgvingini á Fróðskaparsetri Føroya. Og lítið er at ivast í, at gravgangur verður eftir teimum á arbeiðsmarknaðinum, har tørvurin á námsfrøðingum er so ómetaliga stórur í hesum árum.

Spent og væl klædd, tey flestu í føroyskum klæðum, bíðaðu tey nú eftir at fáa prógv um sítt strev hesi seinastu fýra árini, sum eisini hava verið merkt av koronuátøkum, ið eitt skifti gjørdi tað nokk so avbjóðandi fyri øll.

Rættiliga nógv fólk var komið í auluna á Námsvísindadeildini á Frælsinum, tí prógvhandanin eru eisini stór hending fyri familju, ætt og kenningar.