32 bilar mistu nummarpláturnar í nátt

Herfyri fekk løgreglan sendandi ein langan lista sendandi frá Akstovuni yvir bilar, har eigararnir ikki hava rindað vegskatt. Løgreglan hevur fingið boð um at taka nummarpláturnar av bilunum um ikki eigarin kann vísa prógv fyri, at skuldin er rindað.

Í nátt vórðu nummarpláturnar tiknar av 32 bilum. 12 í høvuðsstaðarøkinum og 20 í norðurøkinum, sum umfatar Eysturoy og Norðoyggjar.

Átakið heldur fram komandi næturnar, upplýsir vaktleiðarin hjá løgregluni.