321 ebolatilburðir í Kongo

Demokratiska lýveldið Kongo (DR Congo) boðar í dag frá, at talið av váttaðum ebolatilburðum í landinum nú er 321.

Av hesum eru 48 fólk deyð, víða hagtøl frá landsins stjórn, sambært Reuters tíðindastovuni.

Teir 321 smittutilburðirnir eru skrásettir í trimum landspørtum í landinum, verður sagt.

Sostatt er almenna smittutalið nú vaksið. Í gjárkvøldið skrivaði Reuters við samskiftismálaráðnum í DR Congo sum keldu, at talið av smittaðum var 282.

Deyðatalið er stórt orsaka av ebola virussjúkuni. Sjúkan spjaðist gjøgnum beinleiðis samband við kropsvætu frá smittaðum persónum.

Í hesum føri er talan um tann meira sjáldsama variantin, Bundibugyo.

Heimsheilsustovnurin WHO, hevur hækkað sína vandameting fyri Kongo, so at vandin fyri at gerast smittaður nú er ‘sera høgur’, skrivar Ritzau.