Ingi Samuelsen
Ikki færri enn 337 fólk úr 38 londum eru handtikin í einum stórum máli um barnaporno á internetinum. Tað er bretska løgreglan, sum hevur sett gongd á málið.
Altjóða kanningardeildin í Stórabretlandi upplýsir, sambært AFP, at talan er um uppkláring av einum av ógusligastu lógarbrotum viðvíkjandi kynsligum brotsverki móti børnum.
Handtøkurnar eru framdar eftir at ein suðurkoreansk heimasíða á ’myrka internetinum’ varð latin aftur.
Á heimasíðuni kundi pedofilar við sokallaðum krypto-gjaldoyra rinda fyri at sleppa at síggja kynsligar valdsgerðir móti børnum.
Suðurkoreanska heimasíðan æt ”Welcome to Video” og varð tikin av netinum í mars mánað í fjør. Á heimasíðuni vóru meira enn 250.000 ymsar upptøkur, upplýsa amerikanskir myndugleikar, sambært Reuters.
Vinarliga broyt tínar kennifíla - og privatlívsstillingar fyri at síggja hetta innihald