42 ára gamal royndi at smugla tvey kilo av hassji

Ein 42 ára gamal maður royndi seinnapartin í gjár á flogvøllinum í Vágum, at smugla 2 kilo av hassji til Føroya, boðar løgreglan frá í kvøld.

Løgreglan fekk fráboðan frá Tollvaldinum á flogvøllinum í Vágum um, at teir høvdu afturhildið ein 42 ára gamlan mann, sum hevði roynt at smugla stóru mongdina av hassji inn í landið.

Maðurin bleiv handtikin av politinum klokkan 16.55 og skuldsettur fyri brot á narkotika lóggávuna.

Hann bleiv í dag klokkan 16.15 framstillaður í grundlógarforhoyri í Føroya Rætti, har hann játtaði seg sekan.

Ein tøk mentalkanning frá Danmark segði, at maðurin ikki var egnaður til fongsulsrevsing og tí fekk hann ein viðgerðardóm, sum er virkin í fimm ár.

Hann kærdi ikki avgerðina, sigur løgreglan.