49 ára gamal fongslaður fyri at hótta fólk eftir lívinum

Ein 49 ára gamal maður varð mikudagin tikin, skuldsettur fyri at hava hótt trý alment sett í longri tíð.

Grundlógaravhoyring var í gjár, og maðurin bleiv varðhaldsfongslaður í fýra vikur, skrivar Kringvarpið á heimasíðuni.

Fólkini, sum maðurin skal hava hótt, arbeiða á hvør sínum almennum stovni, og hava fingið hóttaninar í telduboðum.

Kringvarpið skrivar, at maðurin noktar seg sekan í skuldsetingini.