50.000 krónur til Tvøroyrar

Sennøva Thomsen av Tvøroyri kom ígjøgnum í Gekkinum við fullari plátu, og hevði møguleika at vinna 1,8 milliónir krónur.

Hon valdi at deila upphæddina í trý, og harvið økja um møguleikan at vinna. Tað kom tó ongantíð til nakran leyp, tí í fyrsta snari lendi hon á 10.000, sum varð faldað við fimm.

Sennøva Thomsen valdi at steðga har, og fór sostatt avstað við 50.000 krónum í kvøld.

Næsta fríggjakvøld verður Gekkurin tvær milliónir krónur.