561 koronutilburðir í gjár

561 koronutilburðir vórðu í gjár staðfestir í 946 kanningum, vísir nýggjasta uppgerðin frá myndugleikunum.

Eisini gjørdust 663 fólk frísk aftur. Talið á positivum í løtuni gongur spakuliga niður eftir, og tað eru nú 4283 positiv í Føroyum. Hetta er 102 færri enn í gjár.

Átta fólk eru innløgd í Sjúkrahúsverkinum av koronu. 16 aðrir sjúklingar hava koronu, men eru innlagdir av aðrari orsøk.